IZAPIDEAK:

OBRA TXIKIAK: Obra txikiak dira eraikin batean aldaketa handiak egitea suposatzen ez dutenak. Adibidez, teilatuak eta fatxadak mantentzeko lanak, berogailu- edo gas-instalazioak,... Lizentzia behar da, halaber, edukiontziak edo aldamioak bide publikoan ezartzeko.

Obra txikietako lizentzia eskatzeko .pdf, obra txikietako lizentzia eskatzeko.doc , jeskabidearekin batera obraren aurrekontua ere aurkeztu behar da. Kasu ohikoenak ondoko hauek dira:

• Teilatua / fatxada: eskabidea eta aurrekontua.
  
  
• Etxebizitza barruko obrak: eskabidea eta aurrekontua. Tabikeak bota edo eraiki behar badira, egungo egoeraren plana eta ondorengo egoeraren planoa aurkeztu beharko dira.
  
  
• Leihoak aldatzea: eskabidea, aurrekontua eta bizilagunen baimena.
  
  
• Edukiontzia ezartzea: eskabidea, edukiontzia zein egunetan egongo den ezarrita eta edukiontzia txikia edo handia izango den adieraziz.
  
  
• Aldamioak ezartzea: eskabidea eta planoa. Aldamioak zein egunetan egongo diren ezarrita eta horiek okupatuko dituzten m2-ak ere adierazi beharko dira.
  
  
• Berotze-instalazioa ezartzea: eskabidea, aurrekontua eta galdararen kokalekuaren plano edo argazkia, bizilagunen konpromisoarekin batera. Galdara balkoian ezartzen denean, obra egingo deneko eraikineko bizilagunek konpromisoa hartu beharko dute, etorkizunean gauzatu daitezkeen beste instalazioetan ere kokaleku bera erabiliko dela.
  
  
• Eraikinetan gas naturala ezartzea: eskabidea eta aurrekontua (Naturgasen oniritziarekin).

Informazio gehiago eskuratzeko edo argibideetarako, igorri kontsultak ondoko helbide honetara:

hirigintza@andoain.org

---

OBRA HANDIAK: Obra Handietako lizentzien barruan obra oso anitzak daude, eta, hori dela eta, komeni da aurretik dagokion hirigintza-kontsulta egitea. Horretarako, ondoko helbide honetara zuzendu zaitezkete:

hirigintza@andoain.org

---

ONDASUN HIGIEZINEN GAINEKO ZERGA (higiezin hiritar eta landatarrak)

• Obra berriaren alta ematea: obra berri bat katastro hiritarrean idazpetzeko U-4 inprimakia bete beharko da, eta horrekin batera ondoko agiriak aurkeztu beharko dira:
  
  
  • Zergaren azkeneko ordainagiria
  • Obra-amaierako ziurtagiria edo udalaren ziurtagiria okupazio-datarekin
  • Obra berriaren aitorpenaren eskritura
  • Eraikinaren fatxadaren bi argazki
  • Kokapen-planoa
  • Eraikinaren oin desberdinen planoa, 1:50 edo 1:100 eskalan
  • Ebakidura-planoak
    
    
• Zatiketa horizontala: prozedura hori bera erabiliko da jadanik idazpetua dagoen higiezin baten zatiketa horizontalerako, lehendik dauden higiezinak handitzean edota eraikinari antolaketa berri bat ematea suposatzen duten nahiz obra berritzat hartzen diren birgaitze osoetan.
  
  
• Bestelako izapideak: zerbitzu honetan, halaber, higiezin hiritar nahiz landatarren titularitate-aldaketak, erreklamazioak edo akatsak, eta Ondasun Higiezinen gaineko Zergaren salbuespen-hobariak izapidetzen dira.

---

JARDUERA EKONOMIKOEN GAINEKO ZERGA

• Alta EJZen: EJZen alta emateko Ogasun eta Finantza Departamentura (Donostiako Errotaburu pasealekuan edota Okendo kaleko 20. zenbakian) zuzendu beharko zarete
  
  
• Baja EJZen: Zerga honetan baja ematea Udaleko Katastro Zerbitzuan izapidetu daiteke. Horretarako, 840 inprimakia bete beharko da, eta horrekin batera ondoko agiriak ere aurkeztu beharko dira:
  
  
  • Nortasun Agiria (partikularrak).
  • Identifikazio Fiskaleko Zenbakiaren Txartela (elkarte eta ondasun-erkidegoak).

Kontsulta gehiagorako deitu 943-300830 telefonora. Katastro Zerbitzua.