Zinegotzi-ahalduna: Petra Romero Pozo
Zerbitzuko teknikaria: Nekane Goikoetxea
Haur jaio berriak:
Haur jaioberrien gurasoei, gutunazal baten barruan, haurrarentzako opariak bidaltzen zaizkie: haur-hizkerako hitzen zerrenda, sehaska-kanten CD bat, eta biorriko bat.
Azken honetan gurasoen sentsibilizazioa landu nahi da, haurraren eskolaratzea eta bestelako jarduerak aukeratzerakoan hizkuntza-irizpideak kontuan har ditzaten.
Etxeak du giltza: Gurasoei banatzen zaien eskuorri honen bitartez, seme-alabek euskaraz egin dezaten, gurasoen hizkuntz gaitasunaren araberako gomendioak ematen zaizkie (zer egin eta zer ez egin). Era berean, gonbitea egiten zaie
euskalduntze-alfabetatze eskoletara joateko nahiz mintzapraktikako taldeen parte hartzeko eta horretarako Udalak ematen dituen dirulaguntzen berri ematen zaie.
Jolasen tailerra: Ikastaro hau guraso euskaldunei dago zuzendua. Bere helburu nagusia, gurasoei edota haurrekin harreman zuzena duen edonori euskaraz jolasten laguntzea da.
Era honetan, garai bateko joku eta kantu zaharrak berreskuratzeaz gain, oso hedatuak dauden erdal jolasak euskaraz ere egin daitezkeela irakasten da.
Larunbatean ere euskaraz: Ekintza hau 3-12 urte bitartekoei dago zuzendua eta larunbatetan egiten da. Egitasmo honen helburu nagusia etxean erdal giroan bizi diren neska-mutilek euskara eskolatik kanpo ere erabiltzea da, erabilera honekin hizkuntzaren aldeko jarrera bat bultzatuz.
Goazen jolastera, HELBURUA:
urte osoan zehar eskolan ikasitako euskara udako oporretan
ez galtzea eta, ahal bada, gehiago ikastea. Euskara ikasten
ari diren haurrei hitz egiteko erraztasuna hartzeko aukera
eman nahi zaie, eta euskaraz badakitenei hitz egitekoa. Baina
hori guztia, opor garaia denez, jolas giro alaian egingo da,
Andoain bera ere hobeto ezagutuz.
943-300830
