Euskalduntzen

2007 / 2008 ikasturtea euskara ikasteko diru laguntzei buruzko informazioa

Betebeharrak:

• Ikastaroa hasi baino gutxienez urtebete lehenagotik Andoainen erroldatuta egotea eta Udalarekiko zorrik ez izatea. Merkatariei dagokienez, ez da beharrezkoa Andoainen erroldatuta egotea, bai ordea ikastaroak dirauen denbora guztian Andoaingo merkataritza-establezimenduren batean lanean aritzea.
  
  
• Aurretiazko izen ematea Udaletxeko Euskara Zerbitzuan entregatu behar da ikastaroa hasi eta 30 eguneko epean.
  
  
• Ikastaroaren helburu akademikoa gainditzea eta ikasturtean zehar %85etik gorako asistentzia izatea.
  
  
• Ikastaroa amaitu ondoren 15 eguneko epean aurkeztu behar dira eskaera-orria eta kasu bakoitzean beharrezkoa den dokumentazioa.

Dirulaguntza:

1. Diru-laguntza, baldintzak betetzen eta egiaztatzen dituzten eskatzaile horientzat, matrikularen kostuaren %50ekoa izango da.
   
   
2. Hala ere, matrikularen kostuaren %100 jasoko dute zehaztutako baldintzak betetzeaz eta egiaztatzeaz gain, ondorengo baldintza hauetakoren bat ere betetzen duten horiek:
   
   
   • Familia unitateko kide bakoitzarengatiko diru-sarrera gordinen batez bestekoa LGS X 12 euro baino gehiagokoa ez izatea.
   • Familia ugariaren txartela edukitzea.

Aurkeztu beharreko agiriak:

Ikastaroa amaitu eta 15 egun igaro baino lehen aurkeztu beharko dira ondorengo agiriak:

1. Eskaera-orria behar bezala beteta eta sinatuta
   
   
2. Euskaltegiaren ziurtagiria honako informazioarekin:
   
   
   1. Ikastaroaren hasiera eta amaiera data
   2. Ikastaroan emandako orduak eta ikasleak hartutakoak. Ikaslearen asistentziaren %koa
   3. Ikastaroaren erritmoa (eguneko eta asteko orduak)
   4. Hasierako urratsa eta bukaeran gainditutakoa
   5. Ordaindutako matrikula
   6. Ikaslearen aprobetxamenduari buruzko iritzia
      
      
3. Nortasun agiriaren fotokopia
   
   
4. Erroldatze-agiria (Udaleko Euskara Zerbitzua arduratuko da)
   
   
5. Udalarekin zorrik ez izatea egiaztatzen duena (Udaleko Euskara Zerbitzua arduratuko da)
   
   
6. Eskatzaileak xede bera duen beste zuzeneko dirulaguntzarik jaso ez izana edo jasotzeko tramiteetan ez dabilela egiaztatuko duen zinpeko aitorpena

07-08 ikasturtean egindako euskalduntze-alfabetatze ikastaroengatik diru-laguntza eskatzeko inprimakia

2008/2009 Euskara-Ikastorako aldez aurretiko izenematea

Informazio osagarria Udaleko Euskara Zerbitzuan (943-300830),ngoikoetxea@andoain.org
edota Andoaingo AEK euskaltegietan (AEK: 943-591704)