Web orrialde honetan ikusgai dauden 55 argazki hauek, nahi duenak kontsulta ditzakeen eta Andoaingo Udal Artxibategian digitalizatuta eta datu base batean deskribatuta dauden 7000 argazki ingururen erakusgarri besterik ez dira.
Argazkiak bi iturritakoak dira:
Udal Funtsa Orokorra. Funtsa irekia da eta oraingoz 4.000 argazki inguruz osaturik dago. Argazkiak gai ezberdinen arabera daude antolatuta: ordezkapen eta protokolo jarduerak; giza azalpenak, non jaiak, ikuskizunak, jendea, lana eta erlijioa bezalakoak topatuko ditugun; eta, amaitzeko, paisaia, herriko zenbait ikuspegi nahiz eraikuntzak aurkituko ditugu.
Laborde Funtsa Laborde Herramientas SL enpresak, 1994. urtean Andoaindik joan zenean, Udal Artxiboari emandakoa. 3648 argazkiz osatzen da. Argazki gehienak 50eko hamarraldikoak izanik, bertan langileak, lantegiaren sortzaileak, Ikasle Eskolako mutikoak eta Labher eta Lorea abesbatzetako kideak ikus ditzakegu. Funts honetan lantegiaren instalazioei, makinariaren eta bertan lantzen ziren piezen bilakaerari buruzko informazio grafiko ugaria aurki dezakegu.
