Andoaingo Udaletxeko Zerbitzuen arloak herritarrei, tamaina handiko (altzariak, tresna elektrikoak eta beste tresna batzuk barne direlarik) hondakinen bilketa zerbitzua doainik erabiltzeko aukera eskaintzen du.
Zerbitzu honen funtzionamendua oso erraza da: 902 455 855 (Emaús) telefonora deitu besterik ez da egin behar. Bilketa eguna eta ordua (beti asteartean egiten da) adosten dira eta Emaús-eko langileak arduratzen dira altzariak eta beste objektuak desmuntatu eta erretiratzeaz.
Etxez etxeko bilketa erosoagoa da, begizko-eragin gutxiago sortzen du eta ingurumenarentzat abantaila asko sortzen ditu.
Bildutako objektuak EkoCenter-era (Emaús) eramaten dira eta hauen berrerabilerara bideratzen dira (bigarren eskuko objektuen salmenta) edo ezin bazaie probetxurik atera, birziklatzera bideratzen dira. Zabortegian amaitu dezaten ekiditeaz gain, aukera honen bitartez egoera zaila jasaten ari diren pertsonei enplegua bultzatzea suposatzen du.
2005eko maiatzaren 27an Aalborg + 10 konpromezua eskualdeko alkateek sinatu zuten. Ekitaldi hori Astigarragako osoko bilkuren aretoan egin zen. 
Aalborg + 10
Orain dela hiru urte Andoaingo ikastetxe guztiek Eskolako Agenda 21ean parte hartzen dute. Programa hau ikastetxe eta inguruaren iraunkortasunaren eta kalitatearen alde hezkuntza komunitateak, udalekin batera, aurrera eramaten duen konpromezua da.
